Ана холос! "Ан-Наср" FIFA томонидан трансфер тақиқига учради

FIFA Саудия Арабистонининг "Ан-Наср" жамоасига трансфер тақиқи қўйилганини маълум қилди. Клуб нигериялик футболчи Аҳмад Муса учун "Лестер"га қўшимча тўловларни амалга оширмаган.

Шу тариқа, риёдликлар янги футболчиларни рўйхатдан ўтказа олмайди. Таркибга келиб қўшилиши кутилаётган Ҳаким Зиеш айнан шу тақиқ сабаб "Ан-Наср" футболчиси бўла олмаслиги мумкин.

Маълумот ўрнида, 2018 йилда Муса клуб сафига келиб қўшилган. Риёдликлар трансфер учун қўшимча 390 минг фунт тўламагани айтилмоқда.