Ана холос: АПЛда ливерпулликлардан 12 очко олиб ташланиши кутиляпти

Англия Премьер-лигаси раҳбарияти Ливерпуль шаҳри шарафини ҳимоя қилаётган “Эвертон”дан 12 очко олиб ташлаши мумкин.

The Telegraph нашрининг таъкилашича, ливерпулликлар молиявий қоидаларни қўпол тарзда бузгани учун мусобақа ташкилотчилари “Эвертон”га нисбатан жазо чораларини қўллайди.

Агар режалаштирилаётганидек, ҳозирнинг ўзида 12 очко тўпласа, жамоа мусобақа жадвалида сўнгги поғонага тушиб қолади ва очколари минусга ўтиб кетади.

Чунки “Эвертон” тўққизта учрашувда атиги 7 очко жамғарган холос ва мусобақа жадвалида 16-поғонани эгаллаб турибди.

Маълумотларга кўра, АПЛ мутасаддилари “Эвертон” бўйича қарорини кейинроқ эълон қилади.