Ана холос! "Барселона" Ракитич билан шартномани узайтирмоқчи эмас

"Барселона" клуби раҳбарияти жамоанинг хорватиялик ярим ҳимоячиси Иван Ракитичга янги шартнома таклиф қилмасликка қарор қилди.

ESPN тарқатган хабарга қараганда каталонияликлар 30 ёшли футболчининг маошини ошира олишмайди ва шу боисдан ҳам у билан шартномани узайтиришни режалаштиришмаяпти. Бироқ, жамоа бош мураббийи Эрнесто Вальверде Ракитични таркибда сақлаб қолмоқчи.

Маълумот учун, Ракитич жорий мавсум 27та ўйинда майдонга тушди ва ўз ҳисобига 3та гол ҳамда 4та голли узатма ёздириб қўйишга эришди. Унинг “Барселона” билан амалдаги шартномаси эса 2021 йилда ўз ниҳоясига етади.