Ана холос! Дунёнинг энг кучли терма жамоаларидан бири Россияга қарши ўйнамаслигини маълум қилди

Англия терма жамоаси Украинадаги вазият туфайли Россия билан ўйнамайди.

Англия футбол ассоциацияси (FA) мамлакат терма жамоалари "яқин келажакда" россияликлар билан ўйнамаслигини маълум қилди.

"FA шуни тасдиқлайдики, Украина билан бирдамлик сифатида биз яқин келажакда Россияга қарши ўйнамаймиз.

Бу ҳар қандай даражадаги ҳар қандай потенциал ўйинни ва барча ёшдаги жамоаларни ўз ичига олади", - дейилади баёнотда.

Эслатиб ўтамиз, бундан олдин Польша ва Швеция терма жамоалари ҳам Россияга қарши ўйнашдан бош тортган эди.