Ана холос! Энди "Барселона" футболчилари катта маош олмайди, чунки...

"Барселона" президенти Жоан Лапорта Каталония клубига янги молиявий чекловлар жорий қилди, деб хабар бермоқда AS.

Манбанинг ёзишича, клуб футболчилар учун маош миқдорини белгилаб қўйган. Унга кўра, энди “Барселона”да энг юқори маош 10 миллион евродан ошмаслиги керак.

Лапорта бундай қоида жорий этилганидан кейин клубда маошни сезиларли даражада қисқартиришига умид қилмоқда.

Эътиборлиси, “Барселона” айнан янги чеклов туфайли ҳимоячи Антонио Рюдигер ва ҳужумчи Муҳаммад Салоҳни жамоага таклиф қила олмади.

Ушбу чеклов клубнинг ҳозирги ўйинчиларига ҳам тааллуқли бўлиши кутилмоқда.