Ана холос: ФИФА бир жамоани жаҳон чемпионатидан четлатди

Халқаро футбол уюшмалари федерацияси – ФИФА ўзининг расмий сайти орқали 2025 йили клублар ўртасидаги жаҳон чемпионатидан Мексиканинг “Леон” жамоасини четлатганини маълум қилди.

- ФИФА Тартиб-интизом қўмитаси Мексиканинг “Пачука” ва “Леон” жамоалари ишини халқаро ташкилотнинг Апелляция қўмитасига ўтказган эди.

Ўтказилган ўрганишлардан кейин ФИФА Апелляция қўмитаси раҳбари “Пачука” ва “Леон” клублар ўртасидаги жаҳон чемпионати регламентининг биринчи моддасига кўра, бир пайтда бир турнирда қатнаша олмаслигини аниқлаган.

Шу боис, ФИФА мутасаддилари Регламентнинг тўртинчи бандига асосан “Леон” клубини жаҳон чемпионатида иштирок этадиган жамоалар қаторидан чиқаришга қарор қилди. Энди тез орада бу клуб ўрнини қайси жамоа эгаллаши ҳал этилиб, қўшимча тарзда эълон қилинади, - дейилади ФИФА баёнотида.

Клублар ўртасидаги жаҳон чемпионати шу йилнинг 15 июнидан 13 июлига қадар АҚШда ўтказалади. Мексиканинг “Пачука” ва “Леон” клубларига эгалик қилувчи компания битта бўлгани учун бу клублар бир пайтда мусобақада қатнаша олмайди.