Ана холос: Футболчи “Барса” билан шартнома тузишни истамади

“Барселона”  марказий ҳимоячиси Андреас Кристенсен клубнинг ҳамкорликни узайтириш бўйича таклифига рад жавобини берди. Лекин шунга қарамай, у ҳали ҳам клубда қолиши мумкин.

Даниялик футболчи Каталония клубининг биринчи таклифини ундаги шартлар маъқул келмагани боис, қабул қилмагани айтилмоқда.

Бироқ, журналист Рохер Торельо маълумотига кўра, 30 ёшли футболчи барибир клубда қолишни истайди ва унинг агенти яқин вақт ичида янги музокара ўтказади.

Кристенсеннинг “Барселона” билан амалдаги шартномаси жорий мавсум тугагач якунланади.

Жароҳатлар сабаб футболчи бу мавсумда Ханс-Дитер Флик жамоасида атиги 17 та ўйинда майдонга тушиб, битта гол урди.