Барселонада мураббий истеъфога чиқди
Мағлубият қимматга тушди
Каталониянинг «Эспаньол» клуби раҳбарияти жамоа бош мураббийи Маноло Гонсалес билан ҳамкорликни тўхтатишга қарор қилди. Бу ҳақда жамоанинг расмий сайти орқали маълум қилинди.
Мутасаддилар бундай қарорга Испания кубоги биринчи босқичидаги мағлубиятдан сўнг келди. «Эспаньол» тўртинчи дивизионда иштирок этадиган «Сестао» клубига қарши баҳсда қўшимча дақиқаларда 3:4 ҳисобида имкониятни бой берди.
Испания чемпионатида ўтказилган ўн турдан сўнг «Эспаньол» атиги саккиз очко жамғарган ва жадвалда 18-ўринни эгаллаб турибди. Барселона клубининг навбатдаги учрашуви эртага, 29 октябрь куни сафарда «Вильярреал»га қарши ўтказилади.
Изоҳлар (0)