Ана холос! Мбаппени “Реал”да кўришимиз мумкин

Жаҳоннинг энг қимматбаҳо футболчиларидан бири – Килиан Мбаппе “Реал”га кўчиб ўтиши мумкин.

“Қироллик клуби” президенти 24 ёшли тўпурарни ўз жамоасига олиб келиш фикридан қайтмаган. Мбаппенинг  жаҳон чемпионатида кўрсатган юқори савияли ўйини мадридликларни эски аразларни унутиб, супертўпурарни жамоага таклиф қилишга мажбурламоқда.

Мбаппенинг ўзи ПСЖдаги аҳволидан у қадар қониқаётгани йўқ. Килианнинг ўзи ҳам “Реал”га ўтишга мойиллиги борлигини яширмайди.

“Реал” Мбаппедан трансферни амалга ошириш маошини пасайтиришга розилик беришини кутмоқда. Айни пайтда ПСЖ раҳбарияти бир мавсум учун ҳужумчига 125 миллион евро тўлаяпти. Бу сумма “Қироллик клуби”дек жамоага ҳам оғирлик қилмоқда.