Ана холос! Мессининг ҳайкали Мадридда қад ростлайди

Испания қироллик футбол федерацияси “Барселона” клуби форварди Лионель Мессининг эришган ютуқларини абадийлаштириш мақсадида унга ҳайкал ўрнатмоқчи.

Mundo Deportivo нашри тарқатган хабарга кўра 32 ёшли аргентиналик футболчининг ҳайкали Мадрид провинциясида жойлашган Лас-Росас шаҳрида қад ростлайди.

Қайд этиш лозимки, Мессининг ҳайкали Альфредо Ди Стефано, Пеле ва Диего Марадона каби футбол афсоналарининг ҳайкаллари қаторига жойлаштирилади. Бироқ, бу ҳайкал Месси фаолиятини якунлаганидан сўнг ўрнатиладими ёки ундан олдинми, бу ҳозирча аниқ эмас.

Эслатиб ўтамиз, Месси яқинда фаолиятидаги олтинчи “Олтин тўп”ни қўлга киритди ва бу борада мутлақ жаҳон рекордчисига айланди.

Минбар

Барча блоглар