Ана холос! Модрич “Реал”дан кетяпти

“Реал”нинг энг ёрқин юлдузларидан бири Лука Модрич мавсум якунланиши билан клубни тарк этиш эҳтимоли ошиб боряпти.

Манбаларнинг таъкидлашича, клуб мутасаддилари 37 ёшли юлдузга янги шартнома бергандан кўра, уни эркин агент сифатида қўйиб юборишни маъқул кўрмоқда.

Аслида Модрич аввалроқ янги шартнома тузиш имкониятига эга эди. Лекин кейинги пайтда хорватиялик плеймейкер Ла Лигада бошланғич таркибга кириши қийинлашиб қолди ва айнан мана шу ҳолат раҳбариятни ўйлантириб қўйди.  

Лука Модричнинг ўзи фаолиятини “Реал”да тугатишни орзу қилишини айтган. Тажрибали ўйинчи араб мамлакатларидан бўлган даромадли таклифларни рад этди.