Ана холос! Неймар "Ювентус"га ўтиши мумкин

"Ювентус" клуби жамоага ПСЖ футболчиси Неймарни олиб келиш вариантини кўриб чиқмоқда. Бу ҳақда "Diario Sport" нашри хабар берди.

Манбага кўра, бразилиялик ҳужумчининг трансферини туринликлар бош мураббийи Массимилиано Аллегрининг шахсан ўзи илтимос қилган. Аллегри "Ювентус"да Неймар ва Ди Мария жуфтлигини кўришни истамоқда. 

Маълумот ўрнида, 30 ёшли бразил якунланган мавсум ПСЖ сафида барча турнирлар доирасидаги 28 ўйинда 13 гол ва 8 голли узатмани ўз ҳисобига ёздириб қўйди.