Ана холос: Раҳбарият “Барса”ни чемпион қилган Хавини истеъфога чиқарадиган бўляпти

Cadena Ser нашрининг ёзишича, “Барселона” раҳбарияти жорий ҳафтадаги учрашувларда жамоа ғалаба қозонмаса Хави Эрнандесни бош мураббийликдан озод қилмоқчи.

Маълумки, Хави шогирдларининг Испания Суперкубогида ашаддий рақиб – “Реал”дан йири ҳисобда енгилгани каталонияликларга оғир ботди.

Хавини клуб президенти Жоан Лапорта ва спорт директори Деку қўллаб-қувватлаётганига қарамай, агар жамоа Испания кубоги нимчорак финалида “Унионистас Саламанка” ҳамда Ла Лиганинг навбатдаги турида “Бетис”ни енголмаса, Хавига нисбатан чора кўрилади.

Хави Эрнандес “Барселона”ни 2021 йили қабул қилиб олган эди. Испаниялик мутахассис мусобақа жадвалида пастлаб кетган жамоани қисқа муддатда мамлакат чемпионига айлантирди. Бироқ клуб раҳбарияти ва мухлислар жамоадан мунтазам совринларни қўлга киритишни талаб қилмоқда. Айниқса, “Барса” тарафдорлари Хави Эрнандес жамоани Европа Чемпионлар лигаси ғолибига айлантира олмаётганига кўп эътироз қиляпти.