Ана холос! "Рома" футболчиси клубни судга бермоқчи

"Рома" ярим ҳимоячиси Николо Дзаньоло жамоани судга бериши мумкин. 

"Il Messaggero" нашрининг хабар беришича, футболчи ва унинг атрофидагилар мавсум охиригача четлатилгани муносабати билан судга мурожаат қилмоқчи. Дзаньоло трансфер сўровига рад жавоб берилганидан кейин юзага келган тазйиқ ва психологик босим учун "бўрилар"ни судга бермоқчи.

Эслатиб ўтамиз, Рим клуби футболчи билан қишки трансфер вақтида хайрлашмоқчи эди. Англиянинг "Борнмут" жамоаси Николони ўз сафига қўшиб олиш борасида таклиф юборди, аммо футболчи АПЛ клубига ўтишни хоҳламади. Римликлар эса уни мавсум охиригача дисквалификация қилишга қарор қилди.

30 январь куни кечаси Дзаньоло қарорини ўзгартириди ва "Борнмут"га ўтишга рози бўлди, бироқ бу сафар инглиз жамоаси у билан шартнома имзолашни истамади.