Ана холос. “Юве” Роналдудан воз кечяпти!

Европа Чемпионлар лигасини эрта тарк этган “Ювентус” ёзги трансферлар вақтида жамоанинг асосий юлдузи Криштиану Роналдуни сотиб юборадиган бўлди.

- Криштиану Роналду мавсум охирида Туринни тарк этиши кутилмоқда. Унинг амалдаги шартномаси 2022 йилнинг ёзигача давом этади, бироқ унинг маоши (йилига 31 миллион евро) клубга оғирлик қилмоқда, - деб ёзади таниқли журналист Николо Скира.

Роналду 2018 йилнинг июлида “Реал”дан 117 миллион еврога трансфер қилинган эди. Туринликлар сафида 121 та учрашувда 92 та гол уриб, 22 марта голли пас узатган португалиялик юлдуз икки мартадан мамлакат чемпиони ва Суперкубок ғолиби бўлди.

“Ювентус” раҳбарияти эса, Криштианудан Европа Чемпионлар лигаси совринини ютишда ёрдам беришини кутган эди. Бироқ, Роналду етакчилигидаги жамоа кетма-кет икки марта нимчорак финалдан ортга қайтишга мажбур бўлди.  

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар