Ана холос! "Ювентус" қуйи лигага бадарға қилиниши мумкин

"Ювентус" Б Серияга равона қилиниши мумкин.

Гап шундаки, туринликлар молиявий жиноятларда гумон қилинмоқда. Бу ҳақда адвокат Маттиа Грассанига таяниб "Repubblica" нашри хабар берди. 

Айни пайтда клубга нисбатан жиноий иш очилган ва бу жамоа тарихидаги энг қийин тергов бўлиши мумкин. Натижа "кекса сеньоралар"нинг қуйи лигага тушириб юборилиши билан тугаши тахмин қилиняпти.

Эслатиб ўтамиз, "Юве" 2006 йилда коррупция можароси туфайли жазоланганди ва Б Серияга равона бўлган.