Анчелотти "Барселона" билан 7 очколик фарқ ҳақида: "Вазият оғир"

Испания Ла Лигаси 23-туридан ўрин олган "Реал" - "Атлетико" беллашувида томонлар 1:1 ҳисобидаги дурангга имзо чекди. Беллашувдан кейин "қаймоқранглилар" бош мураббийи Карло Анчелотти қуйидаги фикрларни билдириб ўтди.

"Вазият оғир. Ўзи ушбу баҳс олдидан "Барса" билан фарқ катта эди, энди вазифа янада қийинлашди. Лекин биз сўнгги турга қадар кураш олиб борамиз.

Жисмоний тайёргарлигимиз жойида, бизга кўпроқ руҳий томон етишмади. Айниқса, рақибнинг қизил карточкаси ва гол ўтказиб юборганимиздан сўнг ўзимизга келишимизга 10 дақиқа керак бўлди.

Биринчи бўлимда тўпни яхши назорат қилдик, аммо ҳужумларимизда кескинлик йўқ эди. Шунингдек, устунлигимизни таблода акс эттира олмадик",-деди италиялик мутахассис.

Маълумот учун, "қироллик клуби" "Барселона"дан битта кўп ўйинда майдонга тушиб, 7 очкога ортда қолмоқда.