Анчелотти Бензема ҳақида гапирди

"Реал" Мадрид бош мураббийи Карло Анчелотти Ла Лиганинг илк туридан ўрин олган "Алавес"га (4:1) қарши ўйиндан сўнг франциялик ҳужумчи Карим Бензема ҳақида ўз фикрларини билдириб ўтди.

“Бензема шунчаки ҳужумчи эмас, у мукаммал ўйинчи. У кучли характерга эга. Мен олти йил олдин билган ўйинчи билан таққослаганда, у анча такомиллашган, шунингдек характер жиҳатидан ҳам сезиларги кучайган”, - деди италиялик мутахассис.

Бензема кечаги баҳсда “Алавес” дарвозасини икки бор ишғол қилди ва дубль муаллифига айланди.

“Реал” навбатдаги учрашувини 23 август куни сафарда “Леванте”га қарши ўтказади.