Анчелотти Бразилия терма жамоасига Неймарнинг қайтиши ҳақида маълум қилди

Бразилия терма жамоаси бош мураббийи Карло Анчелотти жамоа етакчиси Неймар жаҳон чемпионати-2026 гуруҳ босқичининг сўнгги турида Шотландияга қарши ўйин учун қайдномага киритилишини тасдиқлади.

Гаити устидан 3:0 ҳисобидаги ишончли ғалабадан сўнг италиялик мутахассис ҳужумчининг ҳолати ҳақида маълумот берди.

"Эртага Неймар якка тартибда машғулот ўтказади. Якшанба куни эса умумий гуруҳ билан шуғулланишга қайтади ва шундан сўнг Шотландияга қарши ўйин учун рўйхатга киритилади", — деди Анчелотти.

Неймар соғлиғи билан боғлиқ муаммолар туфайли жорий жаҳон чемпионатида ҳали бирорта ўйинда майдонга тушмаган эди. Энди эса у мусобақадаги илк ўйинига яқин турибди.