Анчелотти: Бу футболчи Модричнинг ўрнини эгаллайди

“Реал” бош мураббийи Карло Анчелотти 37 ёшли плеймейкер Лука Модричга муносиб ўринбосар борлигини таъкидлади.

Италиялик мутахассис клуб тарбияланувчиси Дани Себальос яқин келажакда хорватиялик юлдуз ўрнини эгаллашига ишонч билдироқда.

Эътиборли жиҳати, ҳар икки футболчининг амалдаги шартномаси мавсум охирида якунланади.

- Себальос Модричга ўхшайди. Улар бир хил сифатга эга. Ўйлашимча, яқин келажакда Дани Луканинг “Реал”даги ўрнини тўлиқ эгаллайди, - деди Карло Анчелотти.

Таъкидлаш лозимки, Себальос катта ўсишга эришганига қарамай, клуб раҳбарияти унга янги шартнома бериши аниқ эмас.