Anchelotti: "Bu maydonda o‘ynab bo‘lmasdi. Men uchun bu futbol emas"

Ispaniya kubogi 1/16 final bosqichidan o‘rin olgan "Kasereno" - "Real" uchrashuvidan (0:1) keyingi matbuot anjumanida mehmonlar bosh murabbiyi Karlo Anchelotti quyidagi fikrlarni bildirdi:

"Menga barchasi manzur keldi, birinchi daqiqadan so‘nggisigacha. Sabr qilishimiz kerakligini bilardik. Himoyada tavakkal qilmadik va ketma-ket ikkinchi bahsda darvozamiz daxlsizligini saqlab qoldik.

Bu maydonda o‘ynab bo‘lmasdi. Men uchun bu futbol emas. Kichik jamoalar grandlar bilan raqobatlashish imkoniga ega bo‘lishi ajoyib. Bu muxlislar uchun yaxshi, ammo ular ham sifatli o‘yin tomosha qilishni istaydi",-dedi italiyalik mutaxassis.