Анчелотти: "Бугун Винисиусдек ҳужумчи етишмади"

Испания Ла Лигасининг 18-туридан ўрин олган баҳсда "Реал Мадрид" "Севилья" устидан 4:2 ҳисобида ғалаба қозонди. Мазкур учрашувдан сўнг Карло Анчелотти ўйин ва футболчилар ҳақида ўз фикрлари билан ўртоқлашди. 
 
"Бугун биз ҳужумда ўзимизни яхши ҳис қилдик. Шундай бўлса ҳам таркибга Винисиусдек муҳим футболчи етишмади. Бироқ, барча ўйинчиларим ажойиб ўйин кўрсатишди. Биз ҳимоядан ҳужумга тез ва самарали ўтдик, бу эса муваффақиятга эришишимизга катта ёрдам берди. Шу сабабли, рақиб майдонида кўпроқ хавфли вазиятлар яратдик. 
 
Агар Мбаппе ҳақида гапирадиган бўлсам, у кундан-кунга жамоага мослашиб, кўпроқ фойда бермоқда. Хатто, бундай голни бир неча тур олдин "Сельта" дарвозасига ҳам киритган эди. 2024 йилни чиройли якунлаганамиздан албатта хурсандман" - деди италиялик мутахассис. 
 
Маълумот ўрнида, "қаймоқранглилар" навбатдаги ўйинини 3 январь куни "Валенсия"га қарши ўтказади.