Anchelotti: "Endi murabbiylik litsenziyamni yirtib tashlashim shart emas"

"Real" bosh murabbiyi Karlo Anchelotti shogirdi Federiko Valverde namoyish etayotgan sermahsullik haqida gapirdi.

Urugvaylik yarim himoyachi Klublar o‘rtasidagi Jahon chempionati final uchrashuvida dubl qayd etib, "Al-Hilol"ning mag‘lub etilishiga o‘zining munosib hissasini qo‘shdi. Bu orqali u joriy mavsumdagi gollari sonini 11 taga etkazib oldi.

"Men Fedega o‘zining 11-to‘pini kiritgani uchun minnatdorchilik bildiraman. Endi murabbiylik litsenziyamni yirtib tashlashim shart emas",-dedi italiyalik mutaxassis.

Ma’lumot uchun, Anchelotti mavsum avvalida Valverde mavsum davomida 10 tadan ko‘p gol urmasa, murabbiylik guvohnomasini yirtib tashlashga va’da bergandi.