Анчелотти Мбаппенинг келиши ҳақидаги саволга антиқа жавоб берди

ПСЖ ҳужумчиси Килиан Мбаппенинг “Реал”га ўтиши Европа матбуотида жуда кўп муҳокама қилинмоқда.

Журналистлар Мадрид клуби бош мураббийи Карло Анчелоттидан Мбаппенинг келиши ҳақида сўради. Италиялик мутахассиснинг жавоби ўзига хос бўлди.

- Мбаппенинг трансфери ҳақида сўраяпсизлар. Бу саволни менга бугун, уч кундан кейин, икки ойдан сўнг беришингиз ҳам мумкин. Лекин унга ҳеч қачон жавоб бермайман, - деди Карло Анчелотти.

ПСЖ Чемпионлар лигасининг нимчорак финалида “Бавария” тўсиғидан ўта олмаганидан кейин парижликларнинг Килиан Мбаппе ва Лионель Месси каби юлдузлари клубдан кетиши ҳақидаги хабарлар тобора кўпайиб бормоқда.