Анчелотти ўйинни давом эттиролмаган Мбаппенинг жароҳати бўйича маълумот берди

Европа Чемпионлар лигаси умумий босқичининг олтинчи турида “Реал” Бергамода мезбон жамоа “Аталанта”ни 3:2 ҳисобида мағлуб этиб қайтди.

Учрашувда ҳисобни очган Килиан Мбаппе 36-дақиқада жароҳат туфайли майдонни тарк этди.

Мадридликлар бош мураббийи Карло Анчелотти франциялик юлдузнинг жароҳати ҳақида гапирди.

- Мбаппенинг саломатлигидаги муаммолар ортиқча юклама, сон мушакларидаги оғриқ оқибатида келиб чиқди. Бу жиддий эмас, деб ўйлаймиз.

Ҳаммаси қўшимча текширувлардан кейин аниқ бўлади.

Ўйин давомида у югура олмай қолди, нимадандир безовта эди ва биз уни захирага олишга қарор қилдик, - деди Карло Анчелотти.

Мбаппе жорий мавсумда барча турнирларда 21 та учрашувда қатнашиб, 11 та гол ва иккита ассист муаллифи бўлди.