Anchelotti "Real" "Liverpul"ga qanday taktika qo‘llashini yashirib o‘tirmadi

"Real" Madrid bosh murabbiyi Karlo Anchelotti Evropa chempionlar ligasi final uchrashuvi doirasida "Liverpul"ga qarshi qanday taktikadan foydalanishini aytib o‘tdi.

"Biz 4-4-2 ga o‘zgarib turuvchi 4-3-3 sxemasidan foydalanamiz. O‘sha kuni aniq taktikamiz bo‘lmaydi. Maydonda futbolchilar muntazam ravishda harakatda bo‘lib, raqibni chalg‘itishi lozim.

Ba’zida "Siti"ga qarshi qo‘llangan keskin pressingni ishlatamiz. Bu vaziyatda joylashuv 4-3-3 dan 4-4-1-1 ga o‘zgaradi.

G‘oyamiz deyarli shunday qoladi. Bu "Real"ni o‘zgartirish to‘g‘ri bo‘lmaydi, deb o‘ylayman. Himoyada ishonchli o‘ynab, raqibni bosim ostida qoldirishga harakat qilamiz, - dedi italiyalik mutaxassis.