Анчелотти: "Реал Мадрид" учун бу совринни сақлаб қолиш қийин"

"Реал Мадрид" бош мураббийи Карло Анчелотти Ла Лиганинг янги мавсумда "Лос-Бланкос"нинг Испания чемпиони унвонини ҳимоя қилиш ниятлари ҳақидаги саволга жавоб берди.

- Ла Лига чемпионлиги учун барча жамоалар билан рақобатлашишга тўғри келади. Испан футболининг сифати нафақат жамоаларнинг Ла Лигадаги ўйинлари, балки испанларнинг Евро-2024 кўрсатган ажойиб ҳаракатлари туфайли ҳам яққол кўринади.

Қолаверса, "Барселона" ва "Атлетико" ҳам анча кучайди. Биз чемпионлик учун курашишимиз қийин бўлади, - дея Анчелотти сўзларини келтирмоқда "AS" нашри.

Эслатиб ўтамиз, ўтган мавсум якунида "Қироллик клуби" ўзининг энг яқин таъқибчиси "Барселона"ни 10 очкога ортда қолдириб, Ла Лига чемпионлигини қўлга киритди.