Анчелотти "Реал"да қолади

Сўнгги ҳафталарда матбуотда Карло Анчелотти келаси ёзда "Реал" Мадрид бош мураббийи лавозимини тарк этиши мумкинлиги ҳақида хабарлар пайдо бўлди. Бироқ италиялик мутахассис келаси мавсумда ҳам клубда ишлашда давом этади. Инсайдер Рамон Алварес де Моннинг иижтимоий тармоқларда берган хабарига кўра, "қаймоқранглилар" раҳбарияти икки ҳафта олдин Анчелоттига қарорларини эълон қилишган.

Карло Анчелоттининг "Реал" билан амалдаги шартномаси 2024 йилнинг ўрталарига қадар тузилган. Италиялик мутахассис Мадрид жамоаси билан ишлашни давом эттириш истаги ҳақида бир неча бор гапирган.

Эслатиб ўтамиз, "қироллик клуби" эртага Чемпионлар лигасининг ярим финалида "Манчестер Сити"га қарши майдонга тушади.