Анчелотти: "Вальверде 30 та гол уриши керак"

Карло Анчелотти Федерико Вальверденинг ривожланиши ҳақида гапирди.

- Вальверде билан яна голлар сони бўйича баҳслашишни режалаштираяпсизми?

- Мен унга бир мавсумда 30 та гол уришини айтдим. Йўқ, бу албатта ҳазил.

У такомиллашмоқда, ривожланмоқда. Вальверде масъулиятни ҳам ўз бўйнига олади. Бу жиддий ва мотивацион муҳит яратади, - деди "Реал" бош мураббийи.

Эслатиб ўтамиз, 2022 йилнинг сентябрида Анчелотти, агар Вальверде мавсум давомида камида 10 та гол урмаса, мураббийлик лицензиясини йиртиб ташлашга ваъда берганди. 2022/23 йилги мавсум якунида ярим ҳимоячи барча мусобақаларда 12 та гол урди.