Анчелоттининг кейинги жамоаси маълум бўлди

Карло Анчелоттининг “Реал”даги келажаги ҳамон мавҳум бўлиб турибди. Италиялик мутахассис 2026 йилнинг ёзигача давом этадиган шартномасини муддатидан аввал якунлаши мумкин.

Defensa Central нашрининг ёзишича,  агггааар мадридликлар Европа Чемпионлар лигасининг чорак финалида “Арсенал” тўсиғидан ўтолмаса, ёзда Карло Анчелотти ўрнига бошқа бош мураббий тайинлади.

Катта эҳтимол билан “Реал”нинг янги устози “Байер”ни катта муваффақиятларга илҳомлантирган Хаби Алонсо бўлиши кутилмоқда.

65 ёшли Анчелотти ҳам ишсиз қолмайди. Агар у “Реал”дан истеъфога чиқарилса, Бразилия терма жамоаси бошқарувини қўлга оладиган бўляпти. Бразилия футбол конфедерацияси  терма жамоани бошқариб келган Доривал Жуниорни истеъфога чиқарган ва футболчиларни 2026 йилги жаҳон чемпионатига олиб чиқадиган ва мундиалда натижа кўрсата оладиган бош мураббий тайинлашни мақсад қилган.

Карло Анчелотти “Реал”ни тарк этиши аниқ бўлган тақдирда ҳам, италиялик мутахассис жамоани ёзда бўладиган клублар ўртасидаги жаҳон чемпионатида бошқаради ва шундан кейингини курсини бўшатади.