"Andijon" - "Mash’al" 35-o‘yin arafasida. Mezbonlar ikki yildan beri yutqazmayapti

7 may oqshomida “Andijon” jamoasi “Bobur Arena”da Muborakning “Mash’al” klubini qabul qilishidan xabaringiz bor. Bu 7-turning markaziy o‘yini.

“Andijon” hamda “Mash’al” o‘rtasidagi o‘yinlar hamma vaqt qiziqarli tus olgan. Shu sababli tomonlarning o‘zaro uchrashuvlarida ham natijalar har xil. E’tiborlisi, shanba kungi bahs jamoalarning 35-o‘yiniga aylanadi.

Demak, klublar hozirga qadar O‘zbekiston chempionatida 34 marta to‘qnash kelishgan. Statistik raqamlar shuni ko‘rsatyaptiki, “Andijon”da 11 ta, “Mash’al”da esa 18 ta g‘alaba bor. Shuningdek, 5 ta uchrashuvda durang qayd etilgan. Lekin oxirgi ikki yilda “Andijon” raqibiga yutqazmayapti. Masalan, o‘tgan yili Andijonda durang, Muborakda esa uch ochko qo‘lga kiritilgan.

“Andijon” matbuot xizmati.