"Andijon" bir kishi kam bo‘lib qolgan "Turon"dan g‘alabani ilib ketdi

Sosa Sola Superliganing 12-turidan o‘rin olgan "Andijon" - "Turon" o‘yini yakunlandi. Uchrashuv 2:1 hisobida mezbonlarning g‘alabasi bilan tugadi.

12 daqiqadayoq Xurshid G‘iyosov penaltidan aniq zarba berib, hisobni ochdi. Shundan so‘ng "burgutlar" ketma-ket hujumga o‘tdi. 34 daqiqada uchrashuvni boshqarib borayotgan refere Asker Najafaliev Bilolxon Toshmirzaevni maydondan chetlatdi. U Abdurahmon Komilovga nisbatan qo‘pol o‘ynagan edi.

77 daqiqada o‘ng qanotdan uzatib berilgan to‘pni Ilhomjon Alijonov bosh bilan darvozaga aniq yo‘llab, hisobni tenglashtirdi. Oradan ko‘p o‘tmay Rubin Hebay gol urib, jamoasini oldinga olib chiqdi. 

Shu tariqa mezbonlar kambek amalga oshirib, 3 ochkoni qo‘lga kiritdi.