"Андижон" бош мураббийи Жасур Жалолиддинов билан нега учрашди?

Айни пайтда “Бунёдкор” клуби машғулотларида иштирок этаётган иқтидорли ярим ҳимоячи Жасур Жалолиддинов аслида Москванинг “Локомотив” жамоасига тегишли эканини яхши биласиз. У ўтган мавсум охирларида “Тамбов”га ижарага берилганди, бироқ у ерда бирорта расмий учрашувда майдонга тушмади. Ҳозирда эса бу футболчининг кейинги тақдири қандай кечиши барчани қизиқтираётган бўлса ажаб эмас.

Шуни алоҳида таъкидлаш керакки, “Андижон” бош мураббийи Отабек Ғуломхўжаев Жалолиддинов билан жуда яхши муносабатда. Мураббий ёшлар термасини бошқарган пайтида ҳам Жасур жамоанинг муҳим футболчиларидан бири эди. Ҳозирда эса унинг яна бошқа клубда ижарада тўп суриши ҳам кутилмоқда.

Sports.uz маълумотига кўра, “Андижон” устози Жалолиддинов билан учрашган. Қизиқ, бу учрашувдан мақсад нима эди?  Отабек Ғуломхўжаев эса ушбу масалага ойдинлик киритди.

Тез орада сайтимиз орқали мураббий билан суҳбатни ўқишингиз мумкин.