"Андижон" Дукентдаги йиғинини тугатди, машғулотлар энди пойтахтга кўчирилади

5 июль куни Дукентдаги йиғинини бошлаган “Андижон” тайёргарлигининг биринчи босқичини тугатди.

Мураббийлар йиғин якунида футболчиларни икки таркибга бўлган ҳолда ўйин ўтказишди.

“Қизиллар”: Хуршид Ходжаев, Миржалол Мирзаев, Ислом Маматказин, Аҳмад Анваров, Илҳом Алижонов, Горон Милойко, Муҳаммадкарим Тоиров, Азамат Исроилов, Фарҳод Соҳибжонов, Суҳроб Бердиев, Богдан Милич.

“Сариқлар: Элдор Адҳамов, Илдар Маматказин, Владимир Бубанья, Абдувоҳид  Ғуломов, Абдураҳмон Комилов, Иброҳим Мухторов, Аҳрор Иноятов, Асилбек Айсаров, Шерзод Эсонов, Маликшоҳ Расулов, Муҳаммад Одилов.

Захирадан майдонга шунингдек, Оятилло Обиджонов, Саидумар Содиқов ва Иззат Абдулхаков тушдилар. Қолаверса, биринчи бўлимда “қизиллар” таркибида тўп сурган Милойко билан Тоиров иккинчи бўлимда “сариқлар” жамоасида тўп сурди.

Ушбу учрашувда 2:3 ҳисобида “сариқлар” ғалаба қозонди. Богдан Милич ва Суҳроб Бердиевнниг голларига Саидумар Содиқов, Горон Милойко ва Муҳаммадкарим Тоиров жавоб қайтаришди.

Ушбу йиғиндан сўнг, футболчиларга икки кунлик дам берилди.

Олдин хабар қилганимиздек, жамоамизнинг иккинчи босқичдаги йиғини 18 июлдан Тошкентда давом эттирилади. У ерда назорат учрашувлари ҳам ўтказилиши режалаштирилган.

 “Андижон” матбуот хизмати.