"Андижон" клуби жорий йилги ОФК лицензиясидан муваффақиятли ўтди

Маълумки, Суперлигамиз клублари ОФК талаблари бўйича лицензиядан ўтиши шарт қилиб қўйилган. Куни кеча Суперлига қатнашчиси - "Андижон" футбол клуби бу вазифани бажарганлиги маълум бўлди. Мазкур вазият бўйича клуб матбуот хизмати шундай хабар қилди:  

"Осиё Футбол Конфедерациясининг AFC CLAS – клубларни лицензиялаш маъмуриятидан жамоамиз учун хушхабар келди. Яъни, “Андижон” футбол клуби бу йилги лицензиядан муваффақиятли ўтди. Айтиш керакки, низомга мувофиқ хужжатлар/маълумотлар ОФКга тўлиқ тақдим этилган ва талабларга жавоб бериши ҳақида ижобий хулоса келди.

Шуни алоҳида эътироф ўтиш керакки, бу ишда жамоамизнинг лицензиялаш менежери Икром Муҳитдиновнинг меҳнати катта бўлди.

У катта ҳажмдаги ишни амалга ошириб, “Андижон” клубининг профессионал футбол лигаси олдидаги мажбуриятини уддалаб, бошқа клублар қатори талабларни муносиб бажарганлар сафида туришига ҳисса қўшганлигини алоҳида эътироф этиш керак", - дейилади “Андижон” матбуот хизмати хабарида.