"Андижон" легионер ҳужумчи билан шартнома тузди

Тожикистонда йиғин бошлаган “Андижон” клуби россиялик ҳужумчи Ислам Машуков билан шартнома имзолади. Бу ҳақида клуб матбуот хизмати расмий хабар тарқатди.

Маълумот учун, Машуков 1995 йилнинг 22 февраль куни Россиянинг Нальчик шаҳрида таваллуд топган. Ҳужумчи ўтган йили Россиянинг “Алания” ва Қозоғистоннинг “Елимай” клубларида тўп сурган.

Ислам фаолияти давомида ЦСКА академияси, “Алания”, СКА-“Энергия”, “Дила” (Грузия), “Волгарь”, “Оренбург”, “Химки”, “Спартак-Нальчик” каби жамоалар шарафини ҳимоя қилган.

Машуков фаолияти мобайнида 289 та ўйинда майдонга тушган ва 78 та гол урган. 35 та голли пас узатган.