"Андижон" охирги бешта ўйиндан бери "Машъал"га ютқазмаяпти. Бу сафар-чи?

“Андижон” жамоамиз бугун про лиганинг 16-тур қолдирилган учрашувида сафарда Муборакнинг “Машъал” клубига қарши майдонга тушади.

Ёдингизда бўлса, биринчи даврада Андижондаги баҳсда вакилларимиз 2:1 ҳисобида ғалаба қозонишган. Ўшанда Шаҳбоз Эркинов ва Владимир Бубанья ғалаба келтирувчи голларга муаллифлик қилишган.

Умумий ҳисобда мазкур клублар 35 маротаба тўқнаш келишган. Статистик рақамлар шуни кўрсатяптики, “Андижон”да 12 та, “Машъал”да эса 18 та ғалаба бор. Шунингдек, 5 та учрашувда дуранг қайд этилган. Тўплар нисбатига келсак, “Машъал” 51 та, “Андижон” 40 та гол урган.

Лекин жамоаларнинг охирги 5 та тўқнашувида “Андижон” рақибига ютқазмаяпти. Масалан, ўтган йили Андижонда дуранг, Муборакда эса уч очко қўлга киритилган.

2022 йил.

1-давра. “Андижон” – “Машъал” – 2:1

2021 йил.

1-давра. “Андижон” – “Машъал” – 1:1

2-давра. “Машъал” – “Андижон” – 0:1

2020 йил.

1-давра. “Машъал” – “Андижон” – 0:0

2-давра. “Андижон” – “Машъал” – 2:1

 “Андижон” матбуот хизмати.