"Андижон" таркибидаги ўзгаришлар давом этади: яна икки нафар футболчи қўшилди

“Андижон” футболчилари Ёрқин Назаров бошчилигида кунига икки маҳалдан машғулотлар олиб бормоқда.

Куни кеча кўрик учун жамоа билан машғулотларга киришган дарвозабон Маъмур Икромовга мураббийлар штаби томонидан жавоб бериб юборилди.

Унинг ўрнига ўтган мавсумни термизликлар сафида ўтказган дарвозабон Асилбек Омонов келиб қўшилди.

Ўтган мавсумда “Андижон” шарафини ҳимоя қилган Азамат Исроилов ҳам бугундан бошлаб “Бургутлар” билан биргаликда машғулотларга киришган.

Жароҳати туфайли ушбу мавсумда жамоага ёрдам бера олмаётган Миркомил Локаев жароҳатидан буткул фориғ бўлиб, жамоадошлари билан умумий машғулотларга киришди.

Жамоа кўригига яна бир қанча тажрибали ва легионер футболчилар келиб қўшилиши кутилмоқда.

Шунингдек, "Андижон" жамоаси куни кеча АГМКга қарши назорат учрашувини ўтказди ва 1:3 ҳисобида мағлубиятга учради.