"Andijon" ta’tilga chiqdi. Ikkinchi davraga tayyorgarlik qachondan boshlanadi?

“Andijon” jamoasi 29 iyun kuni “Paxtakor”ga qarshi Superliganing 8-tur qoldirilgan uchrashuvida 1:1 hisobida durang o‘ynaganini bilasiz. Ushbu uchrashuvdan so‘ng “Burgutlar” uchun rasman birinchi davra yakuniga etdi.

Shu sababli jamoa a’zolari qisqa muddatli ta’tilga chiqdilar. Ikkinchi davraga tayyorgarlik 9 iyuldan boshlanishini ma’lum qilamiz.

Ungacha esa “Andijon” futbol klubi tizimida faoliyat olib borayotgan murabbiylar o‘z jamoalarining birinchi davra yakunlari bo‘yicha hisobotlarini klub rahbariyatiga taqdim etadilar.

Eslatib o‘tamiz, “Andijon” birinchi davradan keyin 6 g‘alaba, 1 durang va 6 mag‘lubiyat qayd etib, ochkolarini 19 taga etkazib oldi.

“Andijon” matbuot xizmati.