"Андижон" Туркияда йиғин ўтказади

Про лиганинг янги мавсумига тайёргарлик кўраётган "Андижон" жамоаси 24 кун давом этган дастлабки йиғинни якунлади ва футболчиларга икки кунлик таътил берилди. Виктор Кумиков шогирдлари йиғин давомида Фарғона вилояти ҳокими кубогида иштирок этди ва финалга қадар етиб борди.

Клуб матбуот хизмати тарқатган хабарга кўра,  жамоа 9 февраль санасида Тошкентда тўпланади ва эртасига Туркия сафарига йўл олади. Хориж йиғинидаги рақиблар эса номаълум.