"Андижон" йиғин ўтказиш учун Тожикистонга жўнаб кетди

Янги мавсумга тайёргарликни бошлаган “Андижон” жамоаси олдин хабар қилганимиздек, 3 январда ўз қароргоҳида тўпланди ва режалаштирилганидек жамоа аъзолари тиббий кўрикдан ўтказилди. Клуб базасида икки кун давомида шуғулланган футболчилар бугун эрталаб Тожикистоннинг Хўжанд шаҳрига жўнаб кетди.

Александр Хомяков шогирдлари у ерда 5-19 январь кунлари мобайнида ўқув-машғулот йиғинини ўтказади. Шунингдек, иккита назорат беллашуви ўтказилиши ҳам режалаштирилган.

Бундан ташқари, мазкур йиғинга U-21 жамоасидан бир қатор иқтидорли ўйинчилар ҳам жалб қилинган. Шунингдек, машғулотларга яна янги ўйинчилар ҳам қўшилиши кўзда тутилган. Шартнома имзолангач, “Андижон” матбуот хизматининг расмий саҳифалари орқали расман эълон қиламиз.

“Андижон” матбуот хизмати.