"Андижон" ёзги таътилга чиқди. Қачондан йиғин бошланиши маълум

26 май куни Қўқонда Ўзбекистон Кубоги гуруҳ босқичидаги сўнгги ўйинини ўтказган “Андижон” жамоамси ёзги таътилга чиқди.

Маълумки, 11 июндан жаҳон чемпионатига старт берилади. Миллий терма жамоамиз ҳам мазкур мундиалда иштирок этиши сабабли Суперлигада танаффус юзага келди. Шу сабабли "Андижон" аъзолари ёзги таътилга чиқдилар.

Клуб матбуот хизматининг хабар беришича, “Бургутлар” биринчи давранинг қолган 4 тури ҳамда иккинчи даврага тайёргарлик кўриш учун 10 июндан ўз қароргоҳида тўпланади.