Андижонда болалар ва ўсмирлар футбол академиялари учун ўқув-семинари бўлиб ўтмоқда
Ads
Ўзбекистон футбол ассоциацияси ҳузуридаги ҳудудий болалар ва ўсмирлар футбол академиялари фаолиятини тўғри йўлга қўйиш, уларнинг самарадорлигини ошириш, академиялар тарбияланувчиларидан маҳоратли футболчилар етишиб чиқишини таъминлаш мақсадида бир қатор чора-тадбирлар амалга оширилмоқда. 

Жумладан, бугун 21 декабрь куни Андижон шаҳрида академияларнинг спорт ишлари бўйича директор ўринбосарлари ҳамда таҳлилчилари учун ўқув-семинари бошланди. Бу ҳақда ЎФА матбуот хизмати хабар бермоқда.

Мазкур ўқув-семинарининг биринчи кунида болалар ва ўсмирлар футбол академияларида ўқув-машғулотлар сифатини оширилишида инновацион технологияларнинг тутган ўрни ҳамда ҳар бир академия тарбияланувчиларининг машғулотлардаги кўрсаткичларини доимий мониторинг қилиб бориш масалалари муҳокама қилинди. Бу борада семинар иштирокчиларига тегишли кўрсатмалар берилди.