"Андижон"нинг "Эсхата"га қарши ўйинида кучлар тенг келди

“Андижон” Тожикистонда тайёргарлик жараёнидаги иккинчи назорат учрашувини олдин хабар берганимиздек,“Эсхата”га қарши ўтказди.

Хўжанд шаҳридаги “Спартак” стадионида бўлиб ўтган беллашувга мухлислар томонидан ҳам қизиқиш борлигини пайқаш қийин эмасди. Негаки, стадионда ишқибозлар бисёр эди.

Баҳс давомида ташаббусга эришган “Андижон” бўлим якунида ҳисобни очди. Бу вазиятда истеъдодли футболчи Илҳом Абдуғаниев жарима зарбасини қойилмақом тарзда бажарди – 0:1.

Иккинчи бўлимда ҳар иккала жамоа таркибида қатор ўзгаришлар юз берди. 76-дақиқа ўтиб бораётганида мезбонлар сафида кўрикда бўлиб турган ўзбекистонлик футболчи Акобир Тўраев ҳисобни тенглаштирди – 1:1.

“Андижон”да яна бир қатор голли имкониятлар юзага келди. Аммо якунда 1:1 ҳисоби ўзгармасдан қолди.

“Эсхата” – “Андижон” – 1:1 (0:1).

14 июнь. Хўжанд. “Спартак” стадиони. 1000 томошабин.

Ҳакамлар: Хуршид Дедабоев, Мунирхон Ашуров, Насимжон Мансуров.

“Эсхата”: Владислав Шевченко, Олим Каримов, Роман Хибаба, Ойбек Абдуғаффоров, Соҳиб Ҳакимов, Ҳасан Нурматов, Иброҳим Эшонхонов, Шаҳзод Маъмуржонов, Дилшод Каримов, Мубин Мўминов, Бахтиёр Зарипов.

Захирадан майдонга тушганлар: Мўмин Гадойбоев, Боҳир Сангибоев, Абдусамад Самадов, Жаҳонгир Жўраев, Акобир Тўраев.

“Андижон”: Игорь Литовка, Дилшод Комилов, Абдураҳмон Комилов, Илдар Маматказин, Илҳом Алижонов, Илҳом Абдуғаниев, Леван Арвеладзе, Сардор Азимов, Нодари Кавтарадзе, Бобур Фарҳодов, Рубин Хебай.

Захирадан майдонга тушганлар: Ислом Маматказин, Фарҳод Соҳибжонов, Муҳаммадкарим Тоиров, Абдулатиф Ойбеков, Сардор Абдунабиев, Абдувоҳид Ғуломов, Иззат Абдулҳақов, Суҳроб Бердиев, Асилбек Айсаров, Фарҳод Бекмуротов.

Голлар: Илҳом Абдуғаниев, 45+2 – 0:1. Акобир Тўраев, 76 – 1:1.

Огоҳлантиришлар: Дилшод Каримов, 28, Олим Каримов, 31 – Дилшод Комилов, 40. Ислом Маматказин, 49.

“Андижон” матбуот хизмати.