"Андижон"нинг қишки йиғин режалари маълум

ОЧЛ 2 даги сўнгги расмий ўйиндан кейин қишки таътилга чиққан"Андижон" жамоасининг янги мавсумга тайёргарлик режалари маълум. 

Клуб матбуот хизматининг маълмотига кўра, "Бургутлар" 5 январь санасидан Тошкентда тўпланадилар. Дастлаб футболчилар тиббий кўрикдан ўтадилар. Янги мавсум учун қишки ўқув-машғулот йиғини Туркиянинг Анталия шаҳрида олиб борилади. 

"Бургутлар" Анталияга 7 январда жўнаб кетади. Айтиш лозимки, Туркиядаги йиғин ҳам икки босқичда ўтказилади ва 18 февраль куни якунига етади. 

Ушбу тайёргарлик жараёни доирасида хориж жамоаларига қарши 10 та назорат учрашувлари ўтказилиши режалаштирилган. Рақиблар ҳақида кейинроқ маълумот тақдим этилади.