"Андижон"нинг Тошкентдаги йиғини якунланди. Клуб қандай натижаларни қайд этди?

“Андижон” клубининг ёзги ўқув-машғулот йиғини ниҳоясига етди. Барча ишлар ўйланган режа асосида амалга оширилди. Тайёргарлик жараёни икки босқичда олиб борилди. Дастлаб 5-15 июль кунлари Дукентда шуғулланишди. Кейинги йиғин Тошкентда 18-30 июль оралиғида ўтказилди.

Жамоамиз ҳаммаси бўлиб 5 та назорат учрашувини ўтказди. Бу орқали мураббийлар штаби футболчиларнинг ўйин амалиётини ошириш ҳамда уларни шакллантириш бўйича вазифаларни бажардилар.

Энди жамоамиз аъзолари 1 август санасида ўз қароргоҳимизда тўпланиб, 5 август куни про лига 14-тур доирасида Бухоронинг “Ғиждувон” жамоасига қарши бўлиб ўтадиган расмий баҳсга тайёргарлик кўрадилар.

Жамоамизнинг ёзги йиғиндаги барча ўртоқлик ўйинлари

11 июль

АГМК – “Андижон” – 2:1

Голлар: Хуршид Ғиёсов (пенальти), Зафар Полвонов – Маликшоҳ Расулов.

20 июль

“Металлург” – “Андижон” – 4:1

Голлар: Бектемир Абдуманнопов, Фарҳод Бекмуродов, Забиҳилло Ўринбоев, Жасур Холтўраев – Шаҳбоз Эркинов.

24 июль

“Андижон” – “Қизилқум” – 3:2

Голлар: Владимир Бубаньч (пенальти), Шаҳбоз Эркинов (иккита) – Гонсало Габриел (пенальти), Орифхўжа Абдуҳолиқов.

28 июль

Ўзбекистон U-20 – “Андижон” – 2:1

Голлар: Азиз Холмуродов, Аббос Файзуллаев – Маликшоҳ Расулов.

29 июль

“Андижон” – “Истиқлол” – 3:0

Голлар: Богдан Милич, Горон Милойко, Маликшоҳ Расулов.

“Андижон” матбуот хизмати.