Андреа Пирло "Ювентус" клуби мураббийига айланиши кутилмоқда

"Ювентус" клубининг собиқ футболчиси Андреа Пирло жамоа мураббийига айланади. Бу ҳақда "La Stampa" нашри хабар берди.

Манбанинг маълум қилишича, Пирло "Ювентус" клубининг ёшлар жамоаси бошқарувини қўлга олади.

Эслатиб ўтамиз, 40 ёшли футболчи туринликлардан ташқари "Интер" ва "Милан" шарафини ҳам ҳимоя қилган. Унинг Италиядаги охирги жамоаси "Ювентус" бўлгани учун шу клубга қайтиши кутилмоқда. Ярим ҳимоячи футболчилик фаолиятини 2017 йил "Нью-Йорк Сити"да якунлаганди.