Андрес Иньеста: "Барселона"га қарши ўйнаш биз учун шараф

"Виссел Кобе" ярим химоячиси Андрес Иньеста "Барселона"га қарши ўртоқлик баҳсини интизорлик билан кутаётганини айтиб ўтди.

"Барселона"га қарши ўйнаш биз учун шараф. Бу жуда ажойиб ўйин, барчамиз бундан баҳраманд бўлишимиз мумкин. Шахсан мен учун собиқ жамоадошларимга қарши тўп суриш ўзгача бўлади. Ушбу муҳим учрашувда мухлисларга томошабоп футбол намойиш этишни истаймиз.

Биз доимо чиройли ўйин кўрсатишга уринамиз. Биз барчамиз яхши ўйнаб, ғалаба қозонишга интиламиз. Тўғри жуда қийин, бу учун яхши савиядаги футболчилар керак. Жамоа бу борада ишлаяпти, биз эса натижаларни яхшилашга харакат қиляпмиз," - деди Андрес Иньеста.

Маълумот учун, "Барселона" ва "Виссел Кобе" ўртасидаги беллашув 27 июль куни бўлиб ўтади.