Андрей Канчельскис: Бу мураббийлик фаолиятимдаги илк дерби
Ads

10-тур доирасидаги “Навбаҳор” – “Андижон” жамоалари ўртасидаги “водий дербиси” баҳси олдидан “Навбаҳор” бош мураббийи Андрей Канчельскис бўлажак ўйин ҳақидаги фикрлари билан ўртоқлашди.

- Футболчилик фаолиятим давомида 5 та мамлакат – собиқ иттифоқ, Англия, Шотландия, Италия ва Саудия Арабистони дербиларида иштирок этишга муваффақ бўлганман. Шу боисдан, бундай учрашувларнинг қандай муҳит ҳамда руҳда кечиши ва қандай аҳамиятга эга эканлиги менга маълум. Дерби баҳслари кескин курашлар остида кечган ва бу сафарги “водий дербиси” ҳам бундан мустасно бўлмайди, албатта.

Бундай ўйинларга футболчилар ўзгача иштиёқ ҳамда руҳда тайёргарлик кўришади ва майдонда барча имкониятларини ишга солишга ҳаракат қилишади.

Дерби баҳсларида майдонда ҳақиқий “жанг” юз беради ҳамда бундай ўйинларда футболчиларнинг индивидуал маҳоратлари юзага чиқади ва шунинг эвазига зафар қучиш мумкин.

“Водий дербиси” баҳсларининг жамоалар турнир жадвалида қайси ўринда бўлишидан қатъий назар, доимо шиддатли ва кескин курашлар остида кечганлигидан хабарим бор ҳамда бўлажак ўйин ҳам шундай руҳда кечиши эҳтимолдан холи эмас.

Бу мураббийлик фаолиятимдаги илк дерби бўлади ва ушбу учрашув ёқимли хотира сифатида қолиши учун барча имкониятларни ишга соламиз.

Албатта, шогирдларим ҳам бўлажак баҳснинг қандай аҳамиятга эга эканлигини жуда яхши тушуниб туришибди ҳамда зафар қучиш учун майдонда бор кучларини беришади.

Мақсадимиз – бўлажак ўйинда ғалаба қозониб, мухлисларга қувонч улашиш, - деди мураббий.

Фикрлар

Фикр қолдириш учун авторизациядан ўтинг!
Aser Resa
25/05/2019 17:48
Yutamiz olgʻa kanchelskis