Андрей Канчельскис: "Насаф"га қарши қийин ўйиндан кейин бизга тикланиш учун кам вақт берилди

Ўзингиз кўрдингиз, учрашув жуда оғир ўтди. Иккинчи таймда, айниқса, «Бухоро» клубига қарши туриш қийин кечди. Яхши вазиятлар яратдик, бироқ улардан унумли фойдалана билмадик. Акс ҳолда, ҳисоб янада йирик кўриниш олиши мумкин эди.

Бухороликларга миннатдорчилик билдираман. Улар ўзларида юзага келган муаммоларга қарамасдан кучли ўйин намойиш этишди. Бир нечта вазиятда тажриба етишмади. Жамоа сўнгги ўринда бораётган бўлса-да, руҳий жиҳатдан анча чидамли эканлигини намойиш эта олди.

Биз ушбу ўйинда керакли 3 очкони олишдан ташқари ўйинимиздаги камчиликларни кўриб олдик. Пандемиядан кейин дарҳол максимал имкониятларни кўрсатиш қийин. «Насаф»га қарши қийин ўйиндан сўнг бизда дам олиш ва тикланиб олиш учун жуда кам вақт берилди.